Katte, katterotte, kamerrate, matte, meerkatte en kamermate
Lieflik is Afrika nie? Dat die son so skyn en winters gou-gou verdwyn. Dis so lekker hier, ek dink, kom ons almal sweep mekaar op om net vir so rukkie niks te doen nie. So kom ons nader aan die natuur en alles. Ontmoet so ook 'n wêreld waar ons inmenging nie so harde effek op die aarde het nie.
Ons bly primitief en leef van die land. Ons doen okay en leef in relatiewe vrede tussen sporadiese moorde en primitiewe oorloë. Kom ons raak agter. Leef lekker tot een of ander bombastiese invloed van die weste met mag, geld en ruimteskepe ons vrede kom opfok en ons op ons eie land kom vertel hoe agter ons is.
Kom ons stig republieke in afsondering. Kom ons leef in bubbles. Kom ons hou ewige vakansies in eilande op die vasteland, want dit res van die wêreld en hul gejaag interesseer ons nie meer nie.
Kom ons ignoreer hulle wat nie na ons luister nie.
Kom ons kry girlfriends, karre en vroue.
Kom ons kom uit.
Kom ons kom.
Kom.
